Primeru bés

Primeru bés ki n`ôdjabu
Korpu rapia-m`, kabelu stica-m`
Coraçon cai-m` ti dédon de pé.
Menina kusé ku fazén?

N`fica spantadu, sem pâpia
Boca fictha-m`, ôdju ragala-m`
Respiraçon câ tâ sai.
Menina bô ki pô-m` si.

N`dá un vólta, n`ben volta
Mi n`fitcha ôdju, pá n`torna corda
Pamô n`pensaba mâ n`stâ sunhaba,
Mas menina era bô prôpi.

Na kél momentu n`descontrola
Mi n`câ sabia kusé ki era
Kél sentimentu ki n`stâ shintiba.
Menina kenha ki bô ê?

Dia tá passa mi ku sodadi
Tá kré tenebu só djuntu mi.
Tá sunha ku bô tudu noti.
Menina kéli é só amor.

Acredita ki n`ta amabu
É só bô ki mi n`kré
Mi nhâ amor é tudo pá bô.
Menina bô ki é nhâ amor.